Депутат есеп берді

2018 жылғы 8 ақпанда №4 жалпы білім беру мектебінде қалалық мәслихат хатшысы Б.Қ.Құспеков және №14 Трудовой сайлау округының депутаты Д.М.Сиваракшаның тұрғындармен кездесуі өтті. Қалалық мәслихат хатшысы жиналғандарға есепті кезеңде депутаттық корпустың атқарған жұмысы жайлы қысқаша әңгімелее берді. Д.М.Сиваракша сайлау алды бағдарламасының орындалуы жайлы есеп берді.

Кездесуге округ тұрғындары, "Нұр Отан" партиясының бастауыш ұйымының мүшелері қатысты.

Есеп барысында округ тұрғындары Жамбыл, Амангелді, Беркімбаев, Нұралин, Степная көшелерінің кәріз құрылғылары және дренаж жүйелері, ағаштарды қырқу және балалар алаңшаларына құм төсеу, сондай-ақ №3 автобус маршруты қозғалысының үлкен үзілісі сияқты мәселелерді көтерді. Түскен сұрақтарға түсініктемелер берілді. Кездесу барысында айтылған ескертулер мен ұсыныстар бақылауға алынды және шара қабылдау үшін сәйкес мемлекеттік органдарға жолданатын болады.